१ दिन अघि
२0८२ जेष्ठ १३ सोमबार
उदयपुर, जेठ १३
नेकपा (माओबादी केन्द्र)को किसान सङ्गठन अखिल नेपाल किसान महासङ्घ (क्रान्तिकारी केन्द्र) लिमचुङबुङको अध्यक्षमा गणेश राई चयन भएका छन् । महासङ्घका १ नं. प्रदेश कमिटी सचिव रुद्र अधिकारीको उपस्थितिमा मङ्गलबार सम्पन्न ऐतिहासिक गाउँ सम्मेलनले राईको नेतृत्वमा २५ सदस्यीय नयाँ गाउँ कमिटी सर्वसम्मत चयन गरेको हो ।
कमिटीका ३ उपाध्यक्षमा क्रमशः जमुना कार्की, युवराज राई र सागर राई छानिएका छन् । त्यस्तै सचिव मायाशेर राई चयन हुँदा सहसचिव नरबहादुर परियार र कोषाध्यक्षमा दुतमाया मगर छानिएको निर्वाचन मण्डलले जनाएको छ ।
सम्मेलनले सदस्यमा अम्मर राई, नारदमणि मगर, भक्तबहादुर थापा, भिमकुमारी सुगरपाक, भक्तबहादुर मगर, डोलराज मगर, पम्फा राई, रोहिदास खत्री, एकबहादुर मगर, दिनेशकुमार आले र केशव थापालाई छानेको छ । त्यस्तै पूर्णप्रसाद कोईराला, मणिराज राई, शेरबहाुदर बुढाथोकी, तोयाहाङ राई, दइन्द्र राई, गगन राई र खमान राईलाई पनि नवगठित कमिटीको सदस्य बनाइएको छ ।
नवगठित कमिटीका पदाधिकारीसहित सम्पूर्ण सदस्यलाई प्रदेश सचिव अधिकारीले मङ्गलबारै सपथ गराएका छन् । महासङ्को विधान बमोजिम गाउँ कमिटी ५१ सदस्यीयसम्म बनाउन सकिने हुनाले सो निर्णय गर्ने अधिकार नवगठित कमिटी अध्यक्ष गणेश राईलाई दिने निर्णय पनि हलबाटै भएको छ ।
लिमचुङबुङ गाउँपालिका अध्यक्ष मेजरकुमार राई, नेकपा (माओबादी केनद्र) गाउँ पार्टी इन्चार्ज कृष्ण निरौला, गाउँ पार्टी अध्यक्ष भिम किरातीलगायत नेता कार्यकर्ताहरुको उत्साहपूर्ण सहभागितामा सम्पन्न सम्मेलनपछि वडा र टोलस्तरसम्म किसानलाई एकीकृत गर्दै सङ्गठन विस्तार अभियानमा लाग्ने नवगठित अध्यक्ष राईले बताएका छन् ।
